Get real time updates directly on you device, subscribe now.
କେନ୍ଦୁଝର (ସଂଘର୍ଷ ମିଡିଆ ) : – କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଜାମୁଯୋଡି ଗ୍ରାମ ପଞ୍ଚାୟତ ଜାମୁପଶି ସାହିରେ ଏକ ଅଭାବନୀୟ ଘଟନା ଦେଖିବାକୁ ମିଳିଛି । ସୂଚନା ଅନୁଯାୟୀ ସାହିର ବାସୁଦେବ ନାଏକଙ୍କ ସ୍ତ୍ରୀ ଦ୍ରୌପଦୀ ନାଏକ (୪୦) ଚାଷ କାମରୁ ଆସି ସନ୍ଧ୍ୟା ସମୟରେ ସାନ ଝିଅ ରୀଙ୍କି ନାଏକଙ୍କ (୬) ସହିତ ଘର ନିକଟରେ ଥିବା ପୋଖରୀକୁ ଗାଧୋଇବାକୁ ଯାଇଥିଲେ। ହଠାତ୍ ଗାଧୋଉଥିବା ସମୟରେ ଗୋଡ଼ ଖସିଯିବାରୁ ମା ଝିଅ ଉଭୟ ପାଣିରେ ବୁଡ଼ି ଯାଇଥିଲେ । ମା ଓ ଝିଅ ଘରକୁ ଫେରିବାର ବହୁତ ଡେରି ହେବାରୁ ବଡ଼ ଝିଅ ବ୍ୟସ୍ତ ହୋଇ ଖୋଜା ଖୋଜି କଲା ପରେ ପୋଖରୀରେ ଦେଖିଲା ବେଳେ ମା ଭାସୁଥିବାର ଦେଖି । ସାହି ଲୋକଙ୍କୁ ଡାକି ଗଭୀର ପୋଖରୀରୁ ମୃତ ଦ୍ରୌପଦୀ ନାଏକଙ୍କୁ ଉଦ୍ଧାର କରିଥିବା। ବେଳେ ପାଣି ଭିତରୁ ଝିଅକୁ ଖୋଜି ନ ପାଇ ବାରୁ । ଅଗ୍ନିଶ୍ରମ ବାହିନୀ କୁ ଖବର ଦେଇଥିଲେ ଖବର ପାଇଁ ଘଟଣା ସ୍ଥଳରେ ପହଁଚି ଗଭୀର ପାଣିରୁ ମୃତ ଝିଅର ଶବକୁ ଉଦ୍ଧାର କରିଥିଲେ। ହରିଚନ୍ଦନପୁର ପୋଲିସ ଶବକୁ ଜବତ କରି ବ୍ୟବଚ୍ଛେଦ ନିମନ୍ତେ କେନ୍ଦୁଝର ମୁଖ୍ୟ ଚିକତ୍ସାଳୟ କୁ ପଡ଼ାଯାଇଛି । ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଘଟଣା ପ୍ରଘଟ ହେବା ପରେ ହରିଚନ୍ଦନପୁର ଅଞ୍ଚଳରେ ଶୋକର ଲହରୀ ଖେଳିଯାଇଛି।
