Get real time updates directly on you device, subscribe now.
କଟକ ( ସଂଘର୍ଷ ମିଡିଆ ) : କଟକ ଜିଲ୍ଲା ମାହାଙ୍ଗା ଥାନା ବାରାହୀପୁର ଗ୍ରାମର ଘଟଣା । ଗନ୍ଧର୍ବ ସେଠି ଙ୍କ ପୁତ୍ର ଇନ୍ଦ୍ରମଣି ଆଜି ସକାଳ ୧୦ଟା ସମୟରେ ଘର ନିକଟସ୍ଥ ଜରିଆ ଝିଲ୍ଲୀକୁ ଗାଧୋଇବାକୁ ଯାଇ ନିଖୋଜ ହୋଇଯାଇଥିଲେ । ଘର ଲୋକ ଖୋଜାଖୋଜି ପରେ ତାଙ୍କୁ ନପାଇ କୁଆଁପାଳ ଦମକଳ ବାହିନୀକୁ ଖବର ଦେଇଥିଲେ । ଦମକଳ ବାହିନୀ ତୁରନ୍ତ ସେଠାରେ ପହଂଚି ଜରିଆ ପାଣିରେ ଖୋଜାଖୋଜି କରିଥିଲେ । ଦୁଇଘଣ୍ଟା ପରେ ଇନ୍ଦ୍ରମଣୀକୁ ଦମକଳ ବାହିନୀ କର୍ମଚାରୀମାନେ ପାଣିରୁ ଉଦ୍ଧାର କରି ନିକଟସ୍ଥ ମାହାଙ୍ଗା ମେଡିକାଲକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଜରିଆ ଝିଲି ବହୁତ ଗଭୀର ହୋଇଥିବା ବେଳେ ସରକାରଙ୍କ ତରଫରୁ କୌଣସି ସୁରକ୍ଷା ବ୍ୟବସ୍ଥା କରାଯାଉନଥିବାରୁ ବିଭିନ୍ନ ସମୟରେ ଶୌଚ ହେବାପାଇଁ ଆସୁଥିବା ଜନସାଧାରଣ ମାନେ ନିଶ୍ଚିତ ମୃତ୍ୟୁ ମୁଖରେ ପଡୁଛନ୍ତି । ତୁରନ୍ତ ସରକାରଙ୍କ ପକ୍ଷରୁ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବୀ ହୋଇଛି |
