Get real time updates directly on you device, subscribe now.
ଭଦ୍ରକ ( ସଂଘର୍ଷ ମିଡିଆ ) : କିଏ ଛାଞ୍ଚୁଣିରେ ତ କିଏ ହାତରେ ମହିଳାମାନେ ନିର୍ଘାତ ଛେଚିଲେ ଜଣେ ଚୋରା ମଦ ବେପାରିକୁ । ଘଟଣାଟି ଦେଖିବାକୁ ମିଳିଛି ଭଦ୍ରକ ଜିଲ୍ଲା ତିହିଡି ଥାନା ଅଞ୍ଚଳରେ । ସୂଚନା ମୁତାବକ ଅଲିନଗର ଅଞ୍ଚଳର ଜଣେ ଚୋରା ମଦ ବେପାରି ପ୍ରତ୍ୟେକ ଦିନ ତିହିଡି କୋହ୍ଲ ଅଞ୍ଚଳରେ ଚୋରା ମଦ ବେପାର କରିଆସୁଥିଲା । ବାରମ୍ବାର ତାକୁ ମନା କରିବା ପରେ ବି ସେ ନିଜ ଜିଦ୍ ରେ ଅଟଳ ଥିଲା । ଯାହାଫଳରେ ଗାଁର କିଛି ଯୁବକ ମଦ ପିଇବା ଫଳରେ ପରିବାରରେ ବାରମ୍ବାର ଅଶାନ୍ତି ଲାଗିରହୁଥିଲା ଏବଂ ଅଞ୍ଚଳରେ ଚୋରା ମଦ କାରବାର ଫଳରେ ଅସାଜିକ କାର୍ଯ୍ଯକୁ ନେଇ ଭୟର ବାତାବରଣ ଲାଗିରହୁଥିଲା । ତେବେ ଆଜି ଭୋର ସମୟରେ କୋହ୍ଲ ପେଟ୍ରୋଲ ପମ୍ପ ନିକଟରେ ମହିଳାମାନେ ଉକ୍ତ ମଦ ବେପାରୀ ସହ ପେଟି ପେଟି ମଦ ଜବତ କରିବା ସହ ମହିଳା ମାନେ ଛାଞୁଣିରେ ମାଡ ମାରି ତାକୁ ଚଲେଇ ଚଲେଇ ବହୁ ବାଟ ନେଇଥିଲେ । ଖାଲି ସେତିକି ନୁହେଁ ମଦ ବୋତଲକୁ ଲୋକମାନେ ଭାଙ୍ଗିବା ସହ ମହିଳା ମାନେ ମଦ ସବୁକୁ ତା ଉପରେ ଢାଳିଥିଲେ। ଏହାପରେ ଉକ୍ତ ଚୋରା ମଦ ବେପାରିକୁ ଚଲେଇ ଚଲେଇ ପୋଲିସର ଜିମା ଦେଇଛନ୍ତି ମହିଳାମାନେ ।
