Get real time updates directly on you device, subscribe now.
ନବରଙ୍ଗପୁର(ସଂଘର୍ଷ ମିଡିଆ) : — ନବରଙ୍ଗପୁର ଜିଲ୍ଲା କୋଡିଙ୍ଗା ଥାନା ଅଞ୍ଚଳରେ ଗତ କିଛିଦିନ ହେଲା ଚୋର ମାନଙ୍କ ପାଦୃଭାଵ ବଢିଯାଇଛି ! ଗତ ସପ୍ତାହ ମଧ୍ୟରେ ଚାରୋଟି ସ୍ଥାନରେ ଚୋରି ଘଟଣା ହୋଇଥିବା ବେଳେ ପୁଲିସ ହାତ ଖାଲି ହୋଇଯାଇଥିବା ଜନ ସାଧାରଣାରେ ଅଭିଯୋଗ ହୋଇଛି ! ମିଳିଥିବା ସୂଚନା ଅନୁଯାୟୀ କୋଡିଙ୍ଗା ସ୍ଥିତ ସରକାରୀ ମଙ୍ଗଳ ବିଭାଗ ଉଚ୍ଚ ବିଦ୍ୟାଳୟର ଖେଳ ଶିକ୍ଷୟତ୍ରୀ ସାଗରିକା ବାରିକ ଦଶହରା ଛୁଟି ଥିବାରୁ ନିଜ ଗ୍ରାମ ଭୁବନେଶ୍ଵର ଯାଇଥିଲେ ! ଛୁଟି ସାରିବାପରେ ୧୦ ଅକ୍ଟୋବର ଦିନ କୋଡିଙ୍ଗା ଆସି ଦେଖି ବାକୁ ପାଇଲେ କି ନିଜସରକାରୀ କ୍ଵାଟର ଘରର ଭେଣ୍ଟିଲେଟର ଭାଙ୍ଗି ଘରୁ ଆସବାବ ପତ୍ର , ମୋବାଇଲ ଫୋନ , ହଳେ ସୁନା କାନ ଫୁଲ , ତିନି ହଜାର ଟଙ୍କା ଓ ଗଡ଼ରେଜ ରୁ ଆଉ କିଛି ଜିନିଷ ଚୋରି ହୋଇଥିବା କୋଡିଙ୍ଗା ଥାନାରେ ଲିଖିତ ଅଭିଯୋଗ କରିଥିବା ଜଣାପଡିଛି ! ପ୍ରକାଶ ଥାଉକି ଗତ କିଛି ଦିନ ହେଲା କୋଡିଙ୍ଗା ଗ୍ରାମରେ ଚୋରି ଘଟଣା ବୃଦ୍ଧି ପାଇଛି ! ଗତ ସପ୍ତାହ ମଧ୍ୟରେ ତିନୋଟି ଦୋକାନ ଏବଂ ଆଉ ଜଣେ ଶିକ୍ଷୟତ୍ରୀଙ୍କ ଘରୁ ଚୋରି ହୋଇଛି ! ଥାନାରେ ଅଭିଯୋଗ ହୋଇଥିଲେ ମଧ୍ୟ କୋଡିଙ୍ଗା ପୁଲିସ ଚୋର ମାନଙ୍କୁ ଧରିବାରେ ଅସଫଳ ହୋଇଥିବା କୋଡିଙ୍ଗା ଗ୍ରାମବାସୀ ଅଭିଯୋଗ କରିଛନ୍ତି ! ଚୋରି ଘଟଣା ଦିନକୁ ଦିନ ବୃଦ୍ଧି ପାଉଥିଲେ ମଧ୍ୟ ନାଇଟ ପେଟ୍ରୋଲିଙ୍ଗ ସେମିତି ଆଖିଦୃଶିଆ ପୁଲିସ କରୁନଥିବା ସ୍ଥାନୀୟ ଆଇନଜୀବୀ ତାରିଣୀ ଦାଶ ଅଭିଯୋଗ କରିଛନ୍ତି ! ବର୍ତମାନ କୋଡିଙ୍ଗା ପୁଲିସ କିଭଳି ପଦକ୍ଷେପ ଗ୍ରହଣ କରୁଛି ତାହା ଦେଖିବାକୁ ବାକି ରହିଲା। ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ସଙ୍ଘର୍ଷ ନିୟୁଜ।
