କୋମାରେ ସୁବର୍ଣ୍ଣପୁର ପୌରପରିଷଦ : ସବୁ ଯୋଜନାରେ ବାରି ହେଉଛି ଦୁର୍ନୀତିର ଗନ୍ଧ, ଆଗକୁ ହେବ ମହା ଦୁର୍ନୀତିର ଖୁଲାସା

17

Get real time updates directly on you device, subscribe now.

ସୁବର୍ଣ୍ଣପୁର(ସଂଘର୍ଷ ମିଡିଆ) : କୋମାରେ ସୁବର୍ଣ୍ଣପୁର ପୌରପରିଷଦ l ସଫେଇ ହେଉ କିମ୍ବା ପଲିଥିନ ମୁକ୍ତ ଅଭିଯାନ, ମଶା ବଂଶ ହ୍ରାସ କରିବା ହେଉ କିମ୍ବା ଡ୍ରେନ ସଫେଇ, ଗୋ ଶ୍ରଦ୍ଧା ଯୋଜନା ସବୁ କାର୍ଯ୍ୟରେ ଅସଫଳତା, ଅପାରଗତା ପଦାରେ ପଡିଛି ଓ ସହରର କେତେକ ଜାଗାରେ ରାସ୍ତା ଅଧପନ୍ତରିଆ ହୋଇ ପଡିଛି l ସେପଟେ ବିଜୁପଟ୍ଟନାୟକ ଛକ ଠାରୁ ବଡ଼ବଜାର ବଡ଼ଦାଣ୍ଡ ରାସ୍ତା ଓ ବିଭିନ୍ନ ରାସ୍ତା ନିର୍ମାଣରେ ହେଉ କିମ୍ବା ଜାଗା ମିଶନ, ଆବାସ ଯୋଜନା ହେଉ କିମ୍ବା ମୁକ୍ତା ଯୋଜନା ଓ ଦୋକାନ ଗୃହ ବଣ୍ଟନ ସବୁଥିରେ ଦୁର୍ନୀତିର ଗନ୍ଧ ସ୍ପଷ୍ଟ ବାରି ହୋଇ ପଡୁଛି l ବିଗତ ବର୍ଷରେ ବିଜୁ ପଟ୍ଟନାୟକ ଛକରୁ ବଡ଼ ବଜାର ରାସ୍ତାର ପୁନଃ ନିର୍ମାଣ ତାହାମଧ୍ଯ ଅଧାପନ୍ତରିଆ ହୋଇ ପଡିଛି, ଯାହାକି ଦୁର୍ନୀତିର ଏକ ଛୋଟ ଝଲକ l ସହରର ବିଭିନ୍ନ ସ୍ଥାନରେ ଆବର୍ଜନା ଗଦାକୁ ନେଇ ଲୋକେ ନାକ ଟେକୁଥିବା ବେଳେ ସଦର ପୌରପରିଷଦ ବ୍ୟବସ୍ଥା କରିଥିବା ଅମୃତଧାରା ଗୁଡିକରେ ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ମଧ୍ୟ ପାଣି ପାଇଁ ଯାତ୍ରୀ ପଥିକ ହାହାକାର ହେଉଥିଲେ l ବେଳେବେଳେ ପଟାଭାଡି ଓ ସହରର ବିଭିନ୍ନ ଜାଗାର ଜବରଦଖଲ ଉଛେଦକୁ ନେଇ ମଧ୍ୟ ବେଶ ଚର୍ଚ୍ଚିତ ହୋଇଥାନ୍ତି ଏଠାକାର ନିର୍ବାହୀ ଅଧିକାରୀ l କେବଳ କିଛି ନିରୀହ ପ୍ରଜାଙ୍କୁ ଉଛେଦ କରି ବାହାବା ନେଉଥିବା ଏ ମହାଶୟ ଜଣକ କିନ୍ତୁ କିଛି ବଡ଼ବଡ଼ିଆ ଯେକି ଡ୍ରେନ ଗୁଡିକ ଜବର ଦଖଲ କରିଥିବାରୁ ରାସ୍ତା ଉପରେ ବନ୍ୟା ପାଣି ମାଡି କୃତ୍ରିମ ବନ୍ୟା ସୃଷ୍ଟି କରିବାରେ ମୁଖ୍ୟ ଭୂମିକା ନେଇଥାନ୍ତି ତାହା ଅଣଦେଖା କରି ନ ଦେଖିଲା ପରି ଚୁପ ରହିଥାନ୍ତି ଅଧିକାରୀ l ଅନ୍ୟ ପଟେ ପୌରପରିଷଦ ପଲିଥିନ ଚଢ଼ାଉ କରି ବେଶ ପ୍ରହସନ କରୁଥିବା ମଧ୍ୟ ଦେଖିବାକୁ ମିଳେ l କେବଳ କିଛି ପନି ପରିବା ବ୍ୟବସାୟୀ ଓ କିଛି ଉଠା ଦୋକାନୀଙ୍କ ଠାରୁ କିଛି ପଲିଥିନ ଜବତ ସହ ଫାଇନ କରି ନିଜ ପାରିବା ପଣିଆ ଦେଖାନ୍ତିସିନା ସେ ଜବତ ପଲିଥିନ ସବୁକାହାର ଜିମାରେ ଦିଅନ୍ତି ନା ତାକୁ ନିଜ ମାଲଖାନାରେ ରଖିଥାନ୍ତି ଅବା ପଲିଥିନ ସବୁକୁ ପୋଡ଼ି ଦେଇଥାନ୍ତି ତାର ମଧ୍ୟ ହିସାବ କାହା ପାଖରେ ନଥାଏ l ଆଜିବି ସହର ରେ ଶହ ଶହ ଦୋକାନ ରେ ଖୁଲମ ଖୁଲା ପଲିଥିନ ବ୍ୟବହାର ହେଉଛି l ଏହା ଜାଣି ବି ଅଜଣା ସାଜିଛି ପୌର ପ୍ରଶାସନ l ପୌର ପରିଷଦର ଦୁର୍ନୀତି ଓ ଅପାରଗତା ବିଷୟ ରେ ଅନେକ ଅଭିଯୋଗ ଆସିଲେ ସୁଦ୍ଧା କିମ୍ବା ବିଭିନ୍ନ ଗଣ ମାଧ୍ୟମରେ ବାରମ୍ବାର ଖବର ପ୍ରସାରଣ ହେଲା ପରେ ମଧ୍ୟ ସୁବର୍ଣ୍ଣପୁର ଜିଲ୍ଲା ପ୍ରଶାସନ ଏଇ ଅଧିକାରୀଙ୍କୁ ତାଗିଦ ନ କରିବା, କାର୍ଯ୍ୟାନୁଷ୍ଠାନ ନ ନେବା ଘଟଣା ସମସ୍ତ ଙ୍କୁ ଚକିତ କରିଛି l ପ୍ରକାଶ ଥାଉ କି ଯେ ଏଇ ଅଧିକାରୀଙ୍କ ଜିଦଖୋର ମନୋଭାବ ଓ ଗଣ ମାଧ୍ୟମ ପ୍ରତିନିଧିଙ୍କୁ ବିଭିନ୍ନ କାର୍ଯ୍ୟରେ ଅଣଦେଖା ନୀତି ଯୋଗୁଁ ପୌର ପ୍ରଶାସନର ଗତ ଅଗଷ୍ଟ ୩୧ର ସ୍ୱlୟତ୍ତ ଶାସନ ଦିବସ ଓ ଅନେକ କାର୍ଯ୍ୟକ୍ରମ ର ଖବର ପ୍ରଚାର ପ୍ରସାର କୁ ସମସ୍ତ ମିଡ଼ିଆ ସାମୁହିକ ବର୍ଜନ କରିଛନ୍ତି l ସଭାରେ 70 ଭାଗ ଚୌକି ଖାଲି ଥିବାରୁ ମନ୍ତ୍ରୀ ଓ ଜ଼ିଲ୍ଲାପାଳଙ୍କୁ ହିନସ୍ଥା ହେବାକୁ ପଡିଛି ସେଠି l ଯାହାକି ଖର୍ଚ୍ଚ କାଟ ପାଇଁ ପ୍ରାୟୋଜିତ ଆୟୋଜନ ବୋଲି ଚର୍ଚ୍ଚା ହେଉଛି l ଏବଂ ଜ଼ିଲ୍ଲାପାଳ ଆଗରେ ଏଇ ବିଭାଗ ଉପରେ ଅନେକ ଥର ଆଲୋଚନା ସମାଲୋଚନା କରି ଗୁରୁତର ଅଭିଯୋଗ ସବୁ ବଖାଣି ଥିବା ମଧ୍ୟ ଜଣା ଯାଇଛି l ଏବଂ ଖୁବ କମ ସମୟ ଭିତରେ ସ୍ଥାନୀୟ ସ୍ମାର୍ଟ ଫରେଷ୍ଟ ପାର୍କ ର ମହା ଦୁର୍ନୀତି ସହିତ ଆହୁରି ଅନେକ କାର୍ଯ୍ୟର ଦୁର୍ନୀତିର ପର୍ଦାଫାଶ ସାଧାରଣ ଜନତାଙ୍କ ଆଗରେ ଉପସ୍ଥାପନା କରିବାକୁ ପ୍ରିଣ୍ଟ ମିଡ଼ିଆ ଗ୍ରୁପ ପ୍ରସ୍ତୁତି ଆରମ୍ଭ କରିଥିବା ଜଣା ପଡିଛି l ହେଲେ ପ୍ରଶାସନ ପକ୍ଷରୁ ତାଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା ହେତୁ ସହରର ସଚେତନ ବର୍ଗଙ୍କୁ ଏହା ଚକିତ ବିସ୍ମିତ କରିଛି। ସୁବର୍ଣ୍ଣପୁରରୁ ରାଜ କିଶୋର ତିପାଠୀଙ ରିପୋର୍ଟ ସଘଂଷॆ ନିଊଜ।

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More