Get real time updates directly on you device, subscribe now.
କେନ୍ଦ୍ରାପଡା(ସଂଘର୍ଷ ମିଡିଆ) : ଆଜି ଗରାପୁର ସ୍ଥିତ ଦିବ୍ୟ ଜୀବନ ସଂଘ ଶିବାନନ୍ଦ ଆଶ୍ରମ ପରିସରରେ ଶ୍ରୀ ସ୍ବାମୀ ଚିଦାନନ୍ଦ ଜୀ ମହାରାଜଙ୍କ ୧୦୬ ତମ ଜନ୍ମଜୟନ୍ତୀ ମହା ଆଡମ୍ବରରେ ପାଳନ କରାଯାଇଛି । ସେପ୍ଟେମ୍ବର ୮ ତାରିଖ ଠାରୁ ସେପ୍ଟେମ୍ବର ୨୪ ତାରିଖ ପର୍ଯ୍ୟନ୍ତ ଦିବ୍ୟପକ୍ଷ ପାଳନ କରାଯାଇଛି । ଆଜି ସେପ୍ଟେମ୍ବର ୨୪ ତାରିଖରେ ସ୍ବାମୀ ଶିବାନନ୍ଦ ମହାରାଜ ଜୀଙ୍କ ଜନ୍ମଜୟନ୍ତୀର ଉଜ୍ଜାପନୀ ଦିବସରେ ସକାଳୁ ନଗର କିର୍ତ୍ତନ ପରିକ୍ରମା ସହିତ ଶିବାନନ୍ଦ ଭକ୍ତି ଭଜନ ପରିବେଷଣରେ ଆଶ୍ରମ ପରିସର ଭକ୍ତିମୟ ପରିବେଶ ସୃଷ୍ଟି ହୋଇଥିଲା । ଦିବ୍ୟ ଜୀବନ ସଂଘ ଓ ସ୍ବାମୀ ଚିଦାନନ୍ଦ ଙ୍କ ଜୀବନ ମାର୍ଗରେ ଚାଲୁଥିବା ଭକ୍ତ ଓ ବାହାରୁ ଆସିଥିବା ବହୁ ସାଧୁସନ୍ଥମାନେ ମଧ୍ୟ ଏହି କାର୍ଯ୍ୟକ୍ରମରେ ଯୋଗଦେଇଥିଲେ ।ଗରାପୁର ଅଞ୍ଚଳର ତଥା କେନ୍ଦ୍ରାପଡାର ବିଭିନ୍ନ ଅଞ୍ଚଳରୁ ମଧ୍ୟ ଭକ୍ତମାନେ ଆସିଥିଲେ । ଏ ସମସ୍ତକାର୍ଯ୍ୟ ଆଶ୍ରମର ମା ଦିବ୍ୟା ସ୍ବରୁପାନନ୍ଦ ମା ସରସ୍ଵତୀଙ୍କ ତତ୍ବାବଧାନରେ କରାଯାଇ ବହୁ ସାଧୁସନ୍ଥ ଶିକ୍ଷାବିଦ୍ ସମାଜସେବୀ ଓ ଗଣମାଧ୍ୟମ ପ୍ରତିନିଧିମାନଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଛନ୍ତି ଆଶ୍ରମ ର ଦିବ୍ୟା ସ୍ବରୁପାନନ୍ଦ ମା ସରସ୍ୱତୀ । ପରିଶେଷରେ ସମସ୍ତ ଭକ୍ତ ମନ୍ଦିରରେ ପ୍ରସାଦସେବନ କରିଥିଲେ ।
