Get real time updates directly on you device, subscribe now.
ନରସିଂହପୁର(ସଂଘର୍ଷ ମିଡିଆ ) : କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ବଡ଼ଭୂଇଁ ଗ୍ରାମ ପଞ୍ଚାୟତର ଜୟପୁର ଗ୍ରାମରେ ଦେଖିବାକୁ ମିଳୁଛି ଏକ ଅଭାବନୀୟ ଘଟଣା। କୁକୁର କାମୁଡ଼ାରେ ଗୋଟିଏ ହରିଣର ମୃତ୍ୟୁ ହୋଇଛି। ସୂଚନା ଅନୁଯାୟୀ ଜୟପୁର ଗ୍ରାମଟି ପାହାଡ ପାଖରେ ଥିବାରୁ ହରିଣଟି ଗ୍ରାମ ଭିତରକୁ ପଶି ଆସିଥିଲା।ବୁଲା କୁକୁର ଗୁଡିକ ହରିଣଟିକୁ କାମୁଡି କ୍ଷତ ବିକ୍ଷତ କରି ଦେଇଥିଲେ। ଗୁରୁତର ଅବସ୍ଥାରେ ହରିଣକୁ ଗ୍ରାମବାସୀ ଏବଂ ବନ ବିଭାଗର କର୍ମଚାରୀ ଉଦ୍ଧାର କରି ଜୟପୁର ଗ୍ରାମରେ ଥିବା ପଶ୍ଚିମାଞ୍ଚଳ ବନବିଭାଗର ବିଟ ହାଉସକୁ ନେଇଥିଲେ। ସେଠାରେ ପ୍ରାଣୀ ଚିକିତ୍ସକ ହରିଣକୁ ପ୍ରାଥମିକ ଚିକିତ୍ସା କରିଥିଲେ ମଧ୍ୟ ହରିଣକୁ ବଞ୍ଚାଇ ପାରିନଥିଲେ। ହରିଣର ଶବ ବ୍ୟବଚ୍ଛେଦ କରାଯିବା ପରେ ବିଟ ହାଉସ ନିକଟରେ ମୃତ ହରିଣକୁ ପୋତି ଦିଆଯାଇଥିଲା। ପଶ୍ଚିମାଞ୍ଚଳ ରେଞ୍ଜର ଅଶୋକ କୁମାର ବେହେରାଙ୍କୁ ପଚାରିବାରୁ ହରିଣ ଟିର ବୟସ ତିନିବର୍ଷ ବୋଲି କହିଥିଲେ। ନରସିଂହପୁର ସଞ୍ଜୟ ପଟ୍ଟନାୟକଙ୍କ ରିପୋର୍ଟ ।
