ଆଗାମୀ ସ୍ନାନଯାତ୍ରା ଓ ରଥଯାତ୍ରାର ନୀତି ନିର୍ଘଣ୍ଟ ଚୂଡାନ୍ତ

ପୁରୀ (ସଂଘର୍ଷ ମିଡିଆ ) : ଆଗାମୀ ସ୍ନାନଯାତ୍ରା ଓ ରଥଯାତ୍ରାର ନୀତି ନିର୍ଘଣ୍ଟ ଚୂଡାନ୍ତ ହୋଇଛି। ଛତିସା ନିଯୋଗ ବୈଠକରେ ନୀତି ନିର୍ଘଣ୍ଟ କୁ ଅନୁମୋଦନ କରାଯାଇଛି। ସୂଚନା ଅନୁଯାୟୀ 24 ତାରିଖରେ ସ୍ନାନଯାତ୍ରା ଦିନ ରାତି 1 ଟା ରେ ମଙ୍ଗଳାର୍ପଣ , ରାତି 1 ଟା ରୁ 4 ଟା ମଧ୍ୟରେ ପହଣ୍ଡି ଆରଂଭ ହେବ। ସକାଳ 7 ଟା 30 ରୁ 9 ଟା 30 ମଧ୍ୟରେ ରେ ଜଳ ଲାଗି ହେବ । 10 ଟା 30 ରେ ଛେରା ପହଁରା , 11 ଟା ରୁ 12 ଟା ମଧ୍ୟରେ ହାତିବେଶ , 5 ଟା ରୁ 8 ଟା ଭିତରେ ବାହୁଡା ପହଣ୍ଡି ଅନୁଷ୍ଠିତ ହେବ। ସେହିପରି ରଥଯାତ୍ରା ଦିନ ସକାଳ 8 ଟା ରେ ରଥ ପ୍ରତିଷ୍ଠା , ପହଣ୍ଡି 8 ଟା 30 , ଛେରା ପହଁରା ଦିନ 2ଟା , ଦିନ 3 ଟା ରେ ରଥ ଟଣା ହେବ। ସେହିପରି ବାହୁଡା ଦିନ ଦିନ 12 ଟା ରୁ 2ଟା 30 ମଧ୍ୟରେ ପହଣ୍ଡି, 4 ଟା ରେ ରଥ ଟଣା ହେବ। ସେହିପରି ସୁନାବେଶ ଦିନ ଦିନ 4 ଟା ରୁ 5 ଟା 30 ମଧ୍ୟରେ ସୁନା ବେଶ , ରାତି 11 ଟା ରୁ 12 ଟା ମଧ୍ୟରେ ବେଶ ଉଲାଗି ହେବ। ସେହିପରି ନୀଳାଦ୍ରି ବିଜେ ଦିନ ଦିନ 4 ଟା ରେ ପହଣ୍ଡି ହେବ। ଚଳିତ ବର୍ଷ କୋଭିଡ କଟକଣା ଅନୁଯାୟୀ ସୀମିତ ସଂଖ୍ୟକ ସେବକ ଏବଂ ନୀତି ସହିତ ସମ୍ପୃକ୍ତ ସେବକ ଙ୍କ rtpcr ଟେଷ୍ଟ ପରେ ସେବକମାନେ ନୀତି ରେ ଯୋଗ ଦେବା ନେଇ ନିସ୍ପତି ହୋଇଛି।