Get real time updates directly on you device, subscribe now.
ଭୁବନେଶ୍ବର (ସଂଘର୍ଷ ମିଡିଆ ) : ବରିଷ୍ଠ ଅଭିନେତା ରାଇମୋହନଙ୍କ ପରଲୋକ ହୋଇଛି । କୌଣସି ଏକ କାରଣକୁ ନେଇ ରାଇମୋହନ ଆତ୍ମହତ୍ୟା କରିଥିବା ସୂଚନା ମିଳିଛି । ଭୁବନେଶ୍ୱର ପ୍ରାଚୀ ବିହାର ଘରୁ ରାଇମୋହନଙ୍କ ଝୁଲନ୍ତା ମୃତଦେହ ମିଳିଥିବା ବେଳେ କେଉଁ କାରଣରୁ ସେ ଆତ୍ମହତ୍ୟା କରିଛନ୍ତି ତାହା ଜଣାପଡ଼ିନାହିଁ । ପାରିବାରିକ ଅସନ୍ତୋଷ କାରଣରୁ ରାଇମୋହନ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ଏନେଇ ଖବର ପାଇବାପରେ ମଞ୍ଚେଶ୍ୱର ଥାନା ପୁଲିସ ଘଟଣାସ୍ଥଳରେ ପହଞ୍ଚିଛି । ରାଇମୋହନଙ୍କ ମୃତ୍ୟୁ ନେଇ ପଚରାଉଚରା କରୁଛି । ୧୯୬୩ ମସିହା ଜୁଲାଇ ୧୦ ତାରିଖରେ କେନ୍ଦୁଝର ଜିଲ୍ଲାରେ ରାଇମୋହନ ଜନ୍ମଗ୍ରହଣ କରିଥିଲେ । ୨୪ ଜୁନ୍ ୨୦୨୨ ଏହି ଲୋକପ୍ରିୟ ଅଭିନେତାଙ୍କର ଶେଷ ଦିନ । ଭୁବନେଶ୍ୱର ପ୍ରାଚୀ ବିହାରରେ ଥିବା ନିଜ ଘରୁ ଝୁଲନ୍ତା ଅବସ୍ଥାରେ ତାଙ୍କର ମୃତ ଶରୀରକୁ ଉଦ୍ଧାର କରାଯାଇଥିଲା । ସେ ଆତ୍ମହତ୍ୟା କରିଥିବା କଥା ସନ୍ଦେହ କରାଯାଉଛି ।ଘଟଣାର ତଦନ୍ତ ଚାଲିଛି । କ୍ୟାପିଟାଲ୍ ହସ୍ପିଟାଲ୍ରେ ଶବ ବ୍ୟବଚ୍ଛେଦ ସରିଛି । ହେଲେ ରାଇମୋହନ ଆଉ ଦୁନିଆଁରେ ନାହାନ୍ତି ତାଙ୍କର ପ୍ରଶଂସକ ତଥା ସହକର୍ମୀ କଳାକାରମାନେ ସହଜରେ ବିଶ୍ୱାସ କରିପାରୁ ନାହାନ୍ତି ।ରାଇମୋହନଙ୍କ ମୃତ୍ୟୁରେ ଓଡ଼ିଆ ସିନେଜଗତରେ ଏକ ଶୂନ୍ୟସ୍ଥାନ ସୃଷ୍ଟି ହୋଇଛି ।
