Get real time updates directly on you device, subscribe now.
ଭଦ୍ରକ(ସଂଘର୍ଷ ମିଡିଆ) : – ପୂର୍ବତନ ପୋଲିସ ଇନିସ୍ପେକ୍ଟର ସ୍ବର୍ଗତ ଧରଣୀଧର ଧଳଙ୍କ ଅଲିଅଳି କନ୍ୟା ତଥା ଭଦ୍ରକ କୋର୍ଟର ଯୁବ ଆଇନଜୀବୀ ସ୍ଵପ୍ନା ଧଳଙ୍କ ଅକାଳ ବିୟୋଗରେ ଭଦ୍ରକ ଓକିଲ ସଙ୍ଘ ପକ୍ଷରୁ ଶୋକସଭା ଅନୁଷ୍ଠିତ ହୋଇଯାଇଅଛି । ୧୯୯୨ ମସିହାରେ ଓକିଲାତି ଆରମ୍ଭ କରି ନିରବଛିନ୍ନ ଭାବେ ଓକିଲାତି ପଶାରେ ସମର୍ପିତ କରି ଦେଇଥିଲେ । ବରିଷ୍ଠ ଅଧିବକ୍ତା ବସନ୍ତ ଦାସଙ୍କ ଘନିଷ୍ଠ ସହଯୋଗୀ ଥାଇ କିଛି ବର୍ଷ ତଳେ କର୍କଟ ରୋଗରେ ପୀଡିତ ଥାଇ ନିଜର କର୍ତ୍ତବ୍ୟ ସମ୍ପାଦନ କରି ଆସୁଥିଲେ। ୨ ଦିନ ତଳେ ହଠାତ ଅସୁସ୍ଥ ହୋଇଯିବାରୁ ତାଙ୍କୁ କଟକ ନିଆଯାଇଥିଲା. ସେଠାରେ ଚିକିତ୍ସାଧୀନ ଥିବା ବେଳେ ଗତ କାଲି ରାତିରେ ତାଙ୍କର ଦେହାନ୍ତ ହୋଇ ଯାଇଥିଲା। ସେ ଜଣେ ମିଷ୍ଟ ଭାଷି,ସ୍ମିତାହାସ୍ୟ ସମ୍ପନ୍ନ , ମାର୍ଜିତ ବ୍ୟବହାର ଯୁକ୍ତ, ଅତ୍ୟନ୍ତ ଭଦ୍ର ମହିଳା ଥିଲେ। କୋର୍ଟରେ ସୁନ୍ଦର ଉପସ୍ଥାପନା ଶୈଳି ପାଇଁ ସମସ୍ତ ଓକିଲଙ୍କ ପ୍ରିୟ ହୋଇଥିଲେ । ଆଜି ତାଙ୍କ ମର ଶରୀର ଭଦ୍ରକ କୋର୍ଟ ପରିସରକୁ ଆସିବା ପରେ ଓକିଲ ସଙ୍ଘର ସଦସ୍ୟ ମାନେ ଶେଷ ଦର୍ଶନ କରି ଏକ ଶୋଭା ଯାତ୍ରାରେ ପୁରୁଣା କୋର୍ଟ ପରିସର, ଓକିଲ ସଦନକୁ ନେଇଥିଲେ. ପରେ ତାଙ୍କ ମରଶରୀରକୁ ସ୍ଵର୍ଗଦ୍ଵାର ନେଇଥିଲା । ତାଙ୍କ ଦେହାନ୍ତରେ ଓକିଲ ସଙ୍ଘ ପକ୍ଷରୁ ବରିଷ୍ଠ ଆଇନଜୀବୀ ନିରାକାର ଜେନାଙ୍କ ସଭାପତିତ୍ୱରେ ଏକ ଶୋକସଭା ଭଦ୍ରକ କୋର୍ଟ ଓକିଲ ସଦନରେ ଅନୁଷ୍ଠିତ ହୋଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
