Get real time updates directly on you device, subscribe now.
କଟକ(ସଂଘର୍ଷ ମିଡିଆ ) : – କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ପାଟପାରୀ ମହିମା ଅଲେଖ ଆଶ୍ରମରେ ବାବା ବ୍ରହ୍ମାବଦୂତ ପ୍ରାଣବନ୍ଧୁଙ୍କ ର ପ୍ରଥମ ବାର୍ଷିକ ଉତ୍ସବ ପାଳିତ ହୋଇ ଯାଇଛି। ବାବା ପ୍ରାଣବନ୍ଧୁ ଗତବର୍ଷ ଆଜିର ଦିନରେ ୧୦୯ ବର୍ଷ ବୟସରେ ପ୍ରାଣତ୍ୟାଗ କରିଥିଲେ। ଆଜି ପ୍ରାତଃକାଳ ବ୍ରହ୍ମ ମୁହୂର୍ତ୍ତରେ ଧ୍ଵନି ପ୍ରଜ୍ଜ୍ୟୋଳିତ କରାଯାଇ ଭଜନ କୀର୍ତ୍ତନ ଆରମ୍ଭ କରାଯାଇଥିଲା। ସକାଳ ଦୁଇପ୍ରହର ଓ ଅପରାହ୍ନ ସମୟରେ ପାଖ ଆଖ ବିଭିନ୍ନ ଅଲେଖ ଆଶ୍ରମରୁ ବାବାମାନେ ଯୋଗଦେଇ ଭିକ୍ଷା କରିଥିଲେ। ପାଟପାରି ଓ ନିକଟସ୍ଥ ଅଞ୍ଚଳରୁ ଅନେକ ଅଲେଖ ମହିମା ଶ୍ରଦ୍ଧାଳୁମାନେ ଏଥିରେ ଯୋଗଦେଇ ଭିକ୍ଷା କରିଥିଲେ ଏବଂ ମହିମାଙ୍କ ଆଶୀର୍ବାଦ ଗ୍ରହଣ କରିଥିଲେ। ଆସନ୍ତା କାଲି ପର୍ଯ୍ୟନ୍ତ ଏହି ଉତ୍ସବ ଜାରି ରହିବ ଏବଂ କାଲି ସକାଳ ସମୟରେ ବାଲ୍ୟଲୀଳା ସମର୍ପଣ ହୋଇ ପୂର୍ଣ୍ଣାହୁତି ପ୍ରଦାନ କରାଯିବ।
