Get real time updates directly on you device, subscribe now.
ସୁବର୍ଣ୍ଣପୁର(ସଂଘର୍ଷ ମିଡିଆ) : – ଜିଲ୍ଲାର ୫୭ ନମ୍ବର ଜାତୀୟ ରାଜପଥ କଲାପଥର ଛକ ନିକଟରେ ସଡ଼କ ଦୁର୍ଘଟଣାଘଟି ସ୍ତ୍ରୀଙ୍କ ଜୀବନ ଯାଇଥିବା ବେଳେ ସ୍ୱାମୀ ଗୁରୁତର ଅବସ୍ଥାରେ ଜିଲ୍ଲା ଡାକ୍ତରଖାନାରେ ଚିକିତ୍ସାଧୀନ ଥିବାଭଳି ଏକ ଦୁଃଖଦ ପୂର୍ଣ୍ଣ ଘଟଣା ଘଟିଛି।ସକାଳୁ ସକାଳୁ ଶିବ ଦର୍ଶନ ପାଇଁ ବଲାଙ୍ଗୀର ର ଖୁଜେନପାଲି ଗ୍ରାମରୁ ବାଇକ୍ ରେ ସୋନପୁର ପଟକୁ ଆସୁଥିବା ବେଳେ ବାଇକ୍ କୁ ପିଟିଲା ବସ ଯେଉଁଥିରେ କି ସ୍ତୀ ମୃତ ଓ ସ୍ବାମୀ ଗୁରୁତର ହୋଇଛନ୍ତି।ମୃତକ ହେଲେ ଖୁଜେନପାଲିର ପୁଷ୍ପାଞ୍ଜଳୀ ବାଘ, ଉଭୟ ସ୍ବାମୀ ସ୍ତ୍ରୀ ନିଜ ଗାଁରୁ ସୋନପୁର ନିକଟସ୍ଥ ଗତରକେଲା ଶିବମନ୍ଦିର କୁ ଶିବଦର୍ଶନ ପାଇଁ ଏକ ବାଇକରେ ଆସୁଥିଲେ ।କିନ୍ତୁ କଳାପଥର ଛକ ପାଖର ବୁଲାଣି ରାସ୍ତା ରେ ବଲାଙ୍ଗିର ପଟରୁ ଆସୁଥିବା ଏକ ଘରୋଇ ବସ୍ ଏମାନଙ୍କୁ ଉପରେ ମାଡି ଯାଇଥିଲା । ଉଭୟ ସ୍ବାମୀ ସ୍ତ୍ରୀଙ୍କୁ ଗୁରୁତର ଅବସ୍ଥା ଦମକଳ ବାହିନୀ ଉଦ୍ଧାର କରି ସୋନପୁର ଜିଲ୍ଲା ମୁଖ୍ୟ ଡାକ୍ତରଖାନା କୁ ଆଣିଥିବା ବେଳେ ସେଠାରେ ଗୀତାଞ୍ଜଳୀଙ୍କୁ ଡାକ୍ତର ମୃତ ଘୋଷଣା କରିଥିଲେ ଓ ସ୍ଵାମୀ ଗିରିଧାରୀ ବାଘ୍ ଗୁରୁତର ଥିବାରୁ ତାଙ୍କୁ ସେଠାରେ ଭର୍ତ୍ତି କରାଯାଇ ଚିକିତ୍ସା ଜାରି ରହିଛି। ୫୭ନଂ ରାଜପଥରେ ବାରମ୍ବାର ଏପରି ଘଟଣା ଘଟୁଥିବା ଯୋଗୁଁ ଦୃତଗତିରେ ଗାଡ଼ି ଚାଳନା ହିଁ ଏହାର ପ୍ରମୁଖ କାରଣ ବୋଲି ପ୍ରତ୍ୟକ୍ଷ ଦର୍ଶୀଙ୍କ ସୁତ୍ରରୁ ଜଣାପଡିଛି। ସୁବର୍ଣ୍ଣପୁରରୁ ରାଜ କିଶୋର ତ୍ରିପାଠୀଙ୍କ ରିପୋର୍ଟ ସଂଘର୍ଷ ନିଉଜ।
