Get real time updates directly on you device, subscribe now.
ବାଲେଶ୍ଵର (ସଂଘର୍ଷ ମିଡିଆ ) : ଅଗ୍ନିକାଣ୍ଡ ଯୋଗୁଁ ବାସହରା ହୋଇଗଲା ଏକ ପରିବାର । ଏମିତି ଏକ ଦୁଃଖଦ ଘଟଣା ଘଟିଛି ବାଲେଶ୍ବର ଜିଲ୍ଲା ଖଇରା ତହସିଲ ଅନ୍ତର୍ଗତ ଶ୍ୟାମସୁନ୍ଦରପୁର ଗ୍ରାମପଞ୍ଚାୟତର ପର୍ବତୀପୁର ଗ୍ରାମରେ । ଗତକାଲି ରାତିରେ ଖାଇସାରି ସୋଇପଡ଼ିଥିଲେ ଜ୍ୟୋସ୍ନା ରାଣୀ ସ୍ବାଇଁ ଓ ତାଙ୍କ ପରିବାରର। ପ୍ରାୟ ରାତି ୧୧ଟା ବେଳକୁ ଜ୍ୟୋସ୍ନାଙ୍କ ଘରଟି ଜଳୁଥିବା ଦେଖି ପଡୋସି ଚିତ୍କାର କରିଥିଲେ । ଚିତ୍କାର ଶୁଣି ଜ୍ୟୋସ୍ନାଙ୍କ ପରିବାର ଲୋକେ ବାହାରକୁ ଆସିଦେଖିଲା ବେଳକୁ ନିଆଁ ଖୁବ ଜୋରରେ ଜଳୁଛି । ଗ୍ରାମବାସୀମାନେ ଦମକଲବହିନୀକୁ ଖବର ଦେବା ସହିତ ନିଆଁକୁ ଆୟତ କରିବାକୁ ଚେଷ୍ଟା କରି ବିଫଳ ହୋଇଥିଲେ । ଦମକଳ ଆସି ନିଆଁ ଲିଭାଇବା ବେଳକୁ ଘରଟି ସମ୍ପୁର୍ଣ୍ଣ ଜଳିଯାଇଥିଲା । ନିଆଁର ପ୍ରକୋପ ଏତେ ଭୟଙ୍କର ଥିଲାଯେ ଘରଭିତରୁ କୌଣସି ଜିନିଷ ଉଦ୍ଧାର କରାଯାଇପାରିନଥିଲା ଧାନ ଚାଉଳ, ଟିଭି,ଅଲମୀରା,ଲୋଗପଟା ସମ୍ପୂର୍ଣ୍ଣ ଜଳିଯାଇଛି । ଅଗ୍ନିକାଣ୍ଡର କାରଣ ବିଦ୍ୟତୁ ସଟସର୍କିଟ ଅନୁମାନ କରାଯାଉଛି । ଖବରପାଇ ସ୍ଥାନୀୟ ସରପଞ୍ଚଙ୍କ ପ୍ରତିନିଧି ବିଶ୍ୱଭୂଷଣ ପ୍ରଧାନ,ସମିତିସଭ୍ୟ ପ୍ରତିନିଧି ରବୀନ୍ଦ୍ର ମହାନ୍ତି ,ଜିଲ୍ଲା ପରିସଦସଭ୍ୟ ମାନସ ଦାଶ,ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ପହଞ୍ଚି ପରିବାରବର୍ଗଙ୍କୁ ସାନ୍ତ୍ୱନା ଦେବାସହ ତୁରନ୍ତ ସହାୟତାର ହାତ ବଢାଇଥିଲେ । ପରେ ଖଇରା ତହସିଲଦାର ମହେନ୍ଦ୍ର କୁମାର ବେହେରା, ଗଣ୍ଡିବେଡ଼ R I ଜେମାମଣି ସିଂ ଘଟଣା ସ୍ଥଳ ପରିଦର୍ଶନ କରି ତୁରନ୍ତ ସରକାରୀ ସହାୟତା ଯୋଗାଇଦେବାକୁ ପ୍ରତିଶ୍ରୁତି ଦେଇଥିଲେ । ବାଲେଶ୍ଵର, ଖାଇରାରୁ ଜୟନ୍ତ କୁମାର ରାଉତଙ୍କ ରିପୋର୍ଟ ସଂଘର୍ଷ ମିଡିଆ ।
