Get real time updates directly on you device, subscribe now.
ପୁରୀ(ସଂଘର୍ଷ ମିଡିଆ) : – ଭୁବନେଶ୍ୱରରେ ଆଜି ଠାରୁ ସର୍ବଭାରତୀୟ ପୋଲିସ୍ ମହାନିର୍ଦ୍ଦେଶକ ସମ୍ମିଳନୀ ଉଦଘାଟନ ହେବାକୁ ଯାଉଚି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହ ମନ୍ତ୍ରୀ ଏହି ସମ୍ମିଳନୀରେ ଯୋଗ ଦେବେ । ଦେଶର ବିଭିନ୍ନ ସୁରକ୍ଷା ପ୍ରସଙ୍ଗ ଉପରେ ଆଲୋଚନା ହେବ । ତେବେ ଓଡ଼ିଶାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆଗମନକୁ ନେଇ ବାଲୁକା ଚିତ୍ରକଳାରେ ଶୁଭେଛା ଦେଇଛନ୍ତି ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପୁରୀ ନିଳାଦ୍ରୀ ବିଚ୍ ରେ ସୁଦର୍ଶନ ଏକ ସୁନ୍ଦର୍ ବାଲୁକା ଚିତ୍ରକଳା ତିଆରି କରିଛନ୍ତି । ଯେଉଁ ଥିରେକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହ ମନ୍ତ୍ରି ଅମିତ୍ ଶାହାଙ୍କ ପ୍ରତିକୃତି ଛବିକୁ ବାଲୁକା ଚିତ୍ରକଳା ଅତି ନିଖୁଣ ଭାବରେ ତିଆରି କରିଛନ୍ତି । ଓଡ଼ିଶାର ଗର୍ବ ଗୌରବ କୋଣାର୍କର ଚକକୁ ମଧ୍ୟ ବାଲୁକା ଚିତ୍ରକଳାରେ ସ୍ଥାନ ଦିଆଯାଇଛି। ସ୍ବାଗତଂ ମୋଦୀ ଜି ଓ ଅମିତ୍ ଜି ଲେଖାଯାଇଛି। ବାଲୁକା ଚିତ୍ର ଶିଳ୍ପୀ ସୁଦର୍ଶନ ପଟ୍ଟନାୟକ କହିଛନ୍ତି ପ୍ରଧାନମନ୍ତ୍ରୀ ଓଡ଼ିଶା ଆସିବା ଆମକୁ ବେଶ୍ ଉତ୍ସାହ ଦେଇଚି।ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସବୁବେଳେ ଓଡ଼ିଶାର କଳା, ସଂସ୍କୃତି, ଐତିହ୍ୟ ଓ କଳାକାର ଙ୍କୁ ପ୍ରଶଂସା କରିଆସିଛନ୍ତି। ଏଣୁ ଆମେ କଳାକାର ହିସାବରେ ବାଲୁକା ଚିତ୍ରକଳା ଦ୍ଵାରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହ ମନ୍ତ୍ରୀ ଅମିତ୍ ଶାହାଙ୍କୁ ସ୍ଵାଗତ ବାର୍ତା ଦେଇଛୁ।
