ପିପିଲି ଉପନିର୍ବାଚନ, ବରିଷ୍ଠ ନାଗରିକ ଓ ଦିବ୍ୟାଙ୍ଗମାନେ ଭୋଟ ଗ୍ରହଣ କେନ୍ଦ୍ରକୁ ନଯାଇ ନିଜ ଘରେ ବସି ଭୋଟ ଦେଇପାରିବେ

ଶଙ୍କରପୁରୀ (ସଂଘର୍ଷ ମିଡିଆ ) : ଚଳିତମାସ 16 ତାରିଖରେ ହେବାକୁ ଥିବା ପିପିଲି ଉପନିର୍ବାଚନରେ ବରିଷ୍ଠ ନାଗରିକ ଓ ଦିବ୍ୟାଙ୍ଗ ମାନେ ଭୋଟ ଗ୍ରହଣ କେନ୍ଦ୍ରକୁ ନଯାଇ ନିଜ ଘରେ ବସି ଭୋଟ ଦେଇପାରିବେ । କୋଭିଡ ସଂକ୍ରମଣକୁ ଦୃଷ୍ଟିରେ ରଖି ପୁରୀ ପ୍ରଶାସନ ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ଏଥିପାଇଁ ପୂର୍ବରୁ ଚିହ୍ନଟ ହୋଇଥିବା 1067 ଟି ପୋଷ୍ଟାଲ ଵାଲାଟ ତିଆରି ହୋଇଛି । ଆସନ୍ତା 3 ତାରିଖ ଠାରୁ 7 ତାରିଖ ପର୍ଯ୍ୟନ୍ତ ପୁଲିଂ ଅଫିସର ସେମାନଙ୍କ ଘରକୁ ଯାଇ ପୋଷ୍ଟାଲ ଵାଲାଟ ପେପରରେ ଭୋଟ ସଂଗ୍ରହ କରିବେ ବୋଲି ପ୍ରଶାସନ ପକ୍ଷରୁ କୁହାଯାଇଛି। ସରକାର, ପୁରୀ ।