Get real time updates directly on you device, subscribe now.
ପଟ୍ଟାମୁଣ୍ଡାଇ ( ସଂଘର୍ଷ ମିଡିଆ ) : ଆଜି ଥିଲା ପ୍ରବାଦ ପୁରୁଷ ବିଜୁପଟ୍ଟନାୟକଙ୍କ ଶ୍ରାଦ୍ଧଦିବସ l ଏହି ଅବସରରେ ପଟ୍ଟାମୁଣ୍ଡାଇ ମହାବିଦ୍ୟାଳୟ ପରିସର ମଧ୍ୟରେ ଆଜି ତା 17.4.2021ରିଖ ଶନିବାର ସକାଳ ୯ଘଟିକା ସମୟରେ ଏକ ମେଗା ରକ୍ତଦାନ ଶିବିରର ଅନୁଷ୍ଠିତ ହୋଇଯାଇଛି l 5 ମାର୍ଚ୍ଚ 2015 ମସିହା ଠାରୁ ଆରମ୍ଭ କରି ବିଜୁବାବୁଙ୍କ ଜୟନ୍ତୀ ଓଡିଶାର କୋଣଅନୁକୋଣରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆହ୍ୱାନ କ୍ରମେ ଆୟୋଜିତ ହେଇଆସିଥିବା ଏହି ଜୀବନ ବିନ୍ଦୁ କାର୍ଯ୍ୟକ୍ରମ ଆଜି ପଟ୍ଟାମୁଣ୍ଡାଇ ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି l ଏହି ଜୀବନବିନ୍ଦୁ କାର୍ଯ୍ୟକ୍ରମରେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି, ସ୍ଥାନୀୟ ରାଜନଗର ବିଧାୟକ ଧ୍ରୁବଚରଣ ସାହୁ, ପଟ୍ଟାମୁଣ୍ଡାଇ ନଗର ବିଜେଡି ସଭାପତି ମିଟୁ ମନୋଜ ନାୟକ, ପଟ୍ଟାମୁଣ୍ଡାଇ ବିଜେଡି ବ୍ଲକ ସଭାପତି କିଶୋର ସାହୁ, ବହୁ ହେବି ୱଟ୍ ସରପଞ୍ଚ ପ୍ରମୁଖ ସ୍ଥାନୀୟ ନେତୃମଣ୍ଡଳୀ ଯୋଗ ଦେଇ ରକ୍ତଦାତାଙ୍କୁ ଉତ୍ସାହିତ କରୁଥିବାର ଦେଖିବାକୁ ମିଳିଥିଲା l ସେହିପରି ଅପରାହ୍ନ ୫ଟା ସମୟରେ କଟକ-ଚାନ୍ଦବାଲି ରାସ୍ତାର ପଟ୍ଟାମୁଣ୍ଡାଇ ସହରର ପ୍ରମୁଖ ପ୍ରବେଶପଥ ନିକଟରେ ପ୍ରବାଦପୁରୁଷ ବିଜୁବାବୁଙ୍କ ଏକ ପ୍ରତିମୂର୍ତ୍ତି ଉନ୍ମୋଚନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି ଏହି କାର୍ଯ୍ୟକ୍ରମରେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି ଓ ସ୍ଥାନୀୟ ବିଧାୟକ ଙ୍କ ସମେତ ବହୁ ଦଳିୟ ପୁରୁଷ ଓ ମହିଳା କର୍ମିମାନେ ଉପସ୍ଥିତ ରହିଥିଲେ।ସେହି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ଉନ୍ମୋଚନ କରିଥିଲେ କେନ୍ଦ୍ରାପଡ଼ା ସାଂସଦ ଅନୁଭବ ମହାନ୍ତି।
