Get real time updates directly on you device, subscribe now.
ପୁରୀ(ସଂଘର୍ଷ ମିଡିଆ) : – ଦୀପ ଜାଳୁଥିବା ବେଳେ ଲୁଗାରେ ଲାଗିଲା ନିଆଁ। ଜଣେ ମହିଳା ଭକ୍ତ ଗୁରୁତର। ପୁରୀ ନରେନ୍ଦ୍ର ପୁଷ୍କରିଣୀ ନିକଟରେ ଘଟିଛି ଏଭଳି ଅଭାବନୀୟ ଘଟଣା। ନରେନ୍ଦ୍ର ପୁଷ୍କରିଣୀ ନିକଟ ଶନି ମନ୍ଦିରରେ ଏଭଳି ଘଟଣା ଘଟିଥିବା ବେଳେ ଗୁରୁତର ମହିଳାଙ୍କୁ ଚିକିତ୍ସା ପାଇଁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଗୁରୁତର ମହିଳା ଜଣଙ୍କ ହେଉଛନ୍ତି ସ୍ଥାନୀୟ ଅଞ୍ଚଳର ସୁମିତ୍ରା ସାହୁ। ତେବେ ସୁମିତ୍ରାଙ୍କ ଦେହର ବିଭିନ୍ନ ଅଂଶ ପୋଡ଼ି ଯାଇଥିବାବେଳେ ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି। ଆଜି ସକାଳେ ସୁମିତ୍ରା ଦର୍ଶନ ପାଇଁ ଶନି ମନ୍ଦିରକୁ ଆସିଥିଲେ। ତେବେ ସେଠାରେ ଦୀପ ଜାଳୁଥିବା ସମୟରେ ସୁମିତ୍ରାଙ୍କ ଲୁଗାରେ ନିଆଁ ଲାଗିଯାଇଥିଲା। ସ୍ଥାନୀୟ ଲୋକେ ସଙ୍ଗେ ସଙ୍ଗେ ସୁମିତ୍ରାଙ୍କ ଦେହରୁ ନିଆଁ ଲିଭାଇବା ସହ ଆମ୍ବୁଲାନ୍ସ ଯୋଗେ ଚିକିତ୍ସା ପାଇଁ ତାଙ୍କୁ ସଦର ମୁଖ୍ୟ ଚିକିତ୍ସାଳୟକୁ ପଠାଇଥିଲେ।
