Get real time updates directly on you device, subscribe now.
ନୂଆପଡା(ସଂଘର୍ଷ ମିଡିଆ ) : – ପୋଲିସର ନିଷ୍କ୍ରିୟ ପ୍ରତିବାଦରେ ଆଜି ନୂଆପଡା ଜିଲ୍ଲା ଖଡ଼ିଆଳ ଥାନା ଅନ୍ତର୍ଗତ ଚଚରାଭଟା ଗ୍ରମବାସୀ ଖଡ଼ିଆଳ ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ଦୀର୍ଘସମୟ ଧରି ଥାନାକୁ ଘେରାଓ କରିଥିଲେ ।ଗତ ଫେବୃଆରୀ ୨୪ ତାରିଖରେ ଚଚରାଭଟା ଗାଁର ଧନୁର୍ଯ୍ୟ ଟାହାଣୀଙ୍କ ୨୦ବର୍ଷୀୟ ଝିଅ ହୋସମତି ଟାହାଣୀ ଗାଁ ନିକଟସ୍ଥ ପୋଖରୀକୁ ସ୍ନାନ କରିବାକୁ ଯାଇଥିବା ବେଳେ କେହି ଦୁର୍ବୁତ୍ତ ତାଙ୍କୁ ଅପହରଣ କରିନେଇଥିବା ଅଭିଯୋଗ ହୋଇଛି ।ଏନେଇ ଅପହୃତା ଯୁବତୀଙ୍କ ବାପା ଧନୁର୍ଯ୍ୟ ଟାହାଣୀ ଖଡ଼ିଆଳ ଥାନାରେ ଲିଖିତ ଅଭିଯୋଗ କରି ନ୍ୟାୟ ପାଇଁ ଦାବି କରିଥିଲେ ହେଲେ ଅଭିଯୋଗର ଦୀର୍ଘ 4 ମାସ ବିତିଯାଇଥିଲେ ହେଁ ଖଡ଼ିଆଳ ପୋଲିସ ଅପହୃତା ଯୁବତୀଙ୍କୁ ଉଦ୍ଧାର କରିବା ସହ ଅପହରଣ କାରୀଙ୍କୁ ଗିରଫ କରିବାରେ ସଂପୂର୍ଣ୍ଣ ବିଫଳ ହୋଇଛନ୍ତି ।ଏନେଇ ଯୁବତୀଙ୍କ ପରିବାର ପକ୍ଷରୁ ଖଡ଼ିଆଳ ଥାନା ଅଧିକାରୀଙ୍କୁ ବାରମ୍ବାର ଜଣେଇ ଆସୁଥିଲେ ହେଁ ପୋଲିସ ନ୍ୟାୟ ଦେବାରେ ସମୂର୍ଣ୍ଣ ବିଫଳ ହୋଇଛନ୍ତି ଯାହାକୁ ନେଇ ଗ୍ରାମବସୀଙ୍କ ମଧ୍ୟରେ ତୀବ୍ର ଅସନ୍ତୋଷ ବୃଦ୍ଧି ପାଇଛି ।ଆଜି ଖଡ଼ିଆଳ ପୋଲିସ ନିଷ୍କ୍ରିୟତା ପ୍ରତିବାଦ ରେ ଚଚରାଭଟା ଗ୍ରାମବାସୀ ପୋଲିସ ବିରୋଧ ରେ ବିଭିନ୍ନ ନାରା ଦେଇ ଖଡ଼ିଆଳ ଥାନାକୁ ଘେରାଓ କରିଥିଲେ ।ଅପହୃତା ଯୁବତୀକୁ ତୁରନ୍ତ ଉଦ୍ଧାର କରିବା ସହ ଅପହରଣ କାରୀଙ୍କୁ ଗିରଫ କରିବାକୁ ଗ୍ରାମବାସୀ ଦାବି କରି ଖଡ଼ିଆଳ ଥାନାକୁ ଦୀର୍ଘ ସମୟ ଧରି ଘେରାଓ କରିଥିଲେ ।ପୋଲିସ ସେମାନଙ୍କୁ ନ୍ୟାୟ ନ ଦେଲେ ଅପହୃତ ଯୁବତୀଙ୍କ ପିତାମାତା ଖଡ଼ିଆଳ ଥାନା ସମ୍ମୁଖରେ ଆତ୍ମହୁତି ଦେବାକୁ ଚେତାବନୀ ଦେଇଛନ୍ତି । ଅପରପକ୍ଷେ ଖଡ଼ିଆଳ ଥାନାର SDPO ଶ୍ରୀ ସନ୍ତକ ଜେନା ଘଟଣାସ୍ଥଳରେ ପହଞ୍ଚି ଆନ୍ଦୋଳନ କାରୀ ଗ୍ରାମବାସୀ ଙ୍କ ସହ ଆଲୋଚନା କରିବା ସହ ଅପହରଣ କାରୀଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ପ୍ରତିଶ୍ରୁତି ଦେବା ପରେ ଆନ୍ଦୋଳନ ପ୍ରତିହୃତ ହୋଇଛି । ନୂଆପଡା ଜିଲ୍ଲା ଖଡ଼ିଆଳରୁ ମେଘନାଦ ନାୟକଙ୍କ ରିପୋର୍ଟ ।
