Get real time updates directly on you device, subscribe now.
କଟକ ( ସଂଘର୍ଷ ମିଡିଆ ) : କଟକ ଜିଲ୍ଲା ଚୌଦ୍ଵାରର ଐତିହାସିକ ଓଡିଶା ଟେକ୍ସଟାଇଲ ମିଲ (ଓଟିଏମ ) ପରିସରରେ ଲାଗିଲା ନିଆଁ । ଦୀର୍ଘ ୨୦ ବର୍ଷ ହେବ ବନ୍ଦ ପଡିଛି ଓଟିଏମ । ଏହାର ପରିସର ଅନବନା ଶୁଖିଲା ଗଛରେ ବଣ ହୋଇଜାଇଛି । ଆଜି ହଠାତ ପରିସରରେ ନିଆଁ ଜଳୁଥିବା ଦେଖି ଓଟିଏମ ବଞ୍ଚାଆ ସଂଗଠନର ମୁଖ୍ୟ ଦୀପକ ବାରିକ ଅଗ୍ନିସମ ବିଭାଗକୁ ଓ ଲିକୁଇଡେଟର ଅଫିସକୁ ଖବର ଦେଇଥିଲେ । ଚୌଦ୍ଵାରର ଗୋଟିଏ ଦମକଳ ଗାଡି ଆସି ନିଆଁକୁ ଆୟତ୍ତ କରିଥିଲା । ଏହି ନିଆଁରେ କମ୍ପାନୀର କୌଣସି କ୍ଷତି ହୋଇନଥିବା ବେଳେ ପରିସର ପ୍ରାୟ ୧ ଏକରରୁ ଉର୍ଦ୍ଧ୍ବ ବିସ୍ତୀର୍ଣ୍ଣ ଶୁଖିଲା ଗଛରେ ନିଆଁ ଲାଗିଯାଇଥିଲା । ଲିକୁଡେଟର ଅଫିସର ଓ ଚୌଦ୍ଵାର ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରୁଛନ୍ତି ।
