Get real time updates directly on you device, subscribe now.
ଖୋର୍ଦ୍ଧା(ସଂଘର୍ଷ ମିଡିଆ ) : ସୂଚନା ମୁତାବକ ଖୋର୍ଦ୍ଧା ଜିଲ୍ଲା ଟାଙ୍ଗି ଥାନା ଅନ୍ତର୍ଗତ ଚଣ୍ଡେଶ୍ୱର ପଂଚାୟତ ନିକଟସ୍ଥ କାଜୁ ଜଙ୍ଗଲରେ ଜୁଆ ଖେଳ ହେଉଛି ବୋଲି ବାରମ୍ବାର ଅଭିଯୋଗ ହୋଇଆସୁଥିଲା। ଏଭଳି ଅଭିଯୋଗ କୁ ଭିତି କରି ଟାଙ୍ଗି ଥାନା ଆଇଆଇସି ବିଜୟ କୁମାର ମଲ୍ଲିକ ତତ୍ୟୁବଧାନରେ ଏକ ଟିମ ଗଠନ କରି ପଠାଇଥିଲେ। ଚଣ୍ଡେଶ୍ୱର କାଜୁ ଜଙ୍ଗଲରେ ପୋଲିସ ଆସିବା ଜାଣିପାରି ଜୁଆଡ଼ି ମାନେ ଛତ୍ରଭାଙ୍ଗ ଦେବା ସହ ପୋଲିସ ଆସିଗଲା ରେ ଦଉଡି ପଳାଅ ବୋଲି ଚିତ୍କାର କରିଥିଲେ ଏବଂ କିଛି ଜୁଆଡ଼ି ଖସି ପଳାଇବାରେ ସକ୍ଷମ ହୋଇଥିଲେ। ତଥାପି ଘଟଣା ସ୍ଥଳରୁ ପୋଲିସ ଚାରି ଜଣଙ୍କୁ ଗିରଫ କରିବାରେ ସଫଳ ହୋଇଥିଲା। ଗିରଫ ଜୁଆଡ଼ି ମାନେ ହେଲେ ଟାଙ୍ଗି ଥାନା ହଂସରାଡି ଗ୍ରାମର ଦୁଇଜଣ ପ୍ରଫୁଲ ରାଉତ ଓ ସଞ୍ଜୟ ସାହୁ।ଅନ୍ୟ ଦୁଇଜଣ ହେଲେ ପାରିଓରଡ଼ ଗ୍ରାମର ଅର୍ଜୁନ ନାୟକ ଏବଂ କନ୍ଧ ନୟାଗଡ଼ ଗ୍ରାମର ସଞ୍ଜୟ କୁମାର ସାହୁ ବୋଲି ଜଣାପଡିଛି। ଏମାନଙ୍କ ଠାରୁ ନଗଦ ସତୁରି ହଜାର ଦୁଇ ଶହ ଚାଳିଶ ଟଙ୍କା (70,240/-) ସହିତ କିଛି ଜୁଆ ଖେଳ ବିଭିନ୍ନ ଜିନିଷ ଜବତ କରାଯାଇଛି। ଏହି କେଶ କୁ ନିଜେ ଆଇଆଇସି ବିଜୟ କୁମାର ମଲ୍ଲିକ ତଦନ୍ତ କରୁଥିବା ବେଳେ ଥାନା କେଶ ନମ୍ବର 200/2021 ଅଣ୍ଡାରସେକ୍ସନ 188/ 269 / 270 /34 ଆଇପିସି, 3 ଓପିଜି ଆକ୍ଟରେ କୋର୍ଟ ଚାଲାଣ କରାଯାଇଛି।
