Get real time updates directly on you device, subscribe now.
ଭଦ୍ରକ(ସଂଘର୍ଷ ମିଡିଆ ) : ଭଦ୍ରକ ଗ୍ରାମାଞ୍ଚଳ ପୋଲିସ ବିଶେଷ ସୂତ୍ରରୁ ଖବର ପାଇ ଭଦ୍ରକ ଏସପିଙ୍କ ନିର୍ଦେଶକ୍ରମେ ଗ୍ରାମାଞ୍ଚଳ ଥାନା ଅଧିକାରୀ ଆଲୋକ ଜେନାଙ୍କ ନେତୃତ୍ବରେ ଗତକାଲି ଏକ ଟିମ 16 ନଂ ଜାତୀୟ ରାଜପଥ ଭଦ୍ରକରୁ ବାଲେଶ୍ଵର ଦେଇ ଯାଇଥିବା ଧାମରା ରେଲୱେ ଓଭର ବ୍ରିଜ ନିକଟରେ ଜଗିଥିବା ସମୟରେ ଭଦ୍ରକ ଏରେଇଁ ଅଞ୍ଚଳର ଏକ ଯୁବକ ଜଳେଶ୍ୱରରୁ ବ୍ରାଉନ ସୁଗାର ଧରି ଏକ ମୋଟରସାଇକେଲ ଯୋଗେ ଭଦ୍ରକ ଅଭିମୁଖେ ଆସୁଥିବା ବେଳେ ତାକୁ ଧରିବାରେ ସଫଳ ହୋଇଛି ଗ୍ରାମାଞ୍ଚଳ ପୋଲିସ । ଏହି ଯୁବକକୁ ଧରିବା ପରେ ତାକୁ ଚେକିଂ କରିବା ସମୟରେ ତାହା ପାଖରୁ 510 ଗ୍ରାମର ବ୍ରାଉନ ସୁଗାର ଜବତ କରିବା ସହ ଗୋଟାଏ ମୋଟରସାଇକେଲ ଓ ଗୋଟାଏ ମୋବାଇଲକୁ ଜବତ କରିଛି ଗ୍ରାମାଞ୍ଚଳ ପୋଲିସ । ଯୁବକ ଜଣକ ହେଉଛି ଏସ କେ ରାବିବୁଲ ତାଙ୍କ ଘର ଚରମ୍ପା ଏରେଇଁ ଅଞ୍ଚଳର ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି. ଏହି ବ୍ରାଉନ ସୁଗାରର ଆନୁମାନିକ ମୂଲ୍ୟ ୫୧ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ସୂଚନା ମିଳିଛି । ଆଜି ଗିରଫ ହୋଇଥିବା ଆସାମୀକୁ କୋର୍ଟ ଚାଲାଣ କରାଯାଇଛି ବୋଲି ଜଣାପଡିଛି ।
