Get real time updates directly on you device, subscribe now.
କଟକ(ସଂଘର୍ଷ ମିଡିଆ ) : କଟକ ମର୍କତ ନଗର ଥାନା ପୋଲିସ ହାତରେ ସିରିଜ୍ ମୋବାଇଲ ଲୁଟେରା ଠାରୁ ମୋଟ୍ ୧୧ ଟି ମୋବାଇଲ ସହ ଗୋଟିଏ ବାଇକକୁ ଜବତ କରିଛି ପୋଲିସ । କଟକ ଭୁବେନେଶ୍ୱରର ଭିଆଇପି ଅଞ୍ଚଳରୁ ବାଇକ୍ ଲୁଟ୍ ଏବଂ ମୋବାଇଲ ଚୋରି କରିବା ଲୁଟେରା ର ଟାର୍ଗେଟ ରହିଥିଲା ବୋଲି ଏକ ପ୍ରେସମିଟ୍ ରେ ସୂଚନା ଦେଇଛନ୍ତି ଜୋନ୍-୩ ଏ.ସି.ପି ତାପସ ପ୍ରଧାନ। ପୋଲିସ ଦେଇଥିବା ସୂଚନା ମୁତାବକ କଟକ ଅଶ୍ୱିନୀ ହସ୍ପିଟାଲରେ ଚାକିରୀ କରୁଥିବା ନୁପୁର ମଣ୍ଡଳ ଗତ ମାସ ୨୪ ତାରିଖ ସନ୍ଧ୍ୟା ୬ ସମୟରେ ନିଜର କାର୍ଯ୍ୟ ସାରି ଘରକୁ ଫେରୁଥିବା ସମୟରେ ପୁଅ ସହ ଫୋନ ରେ କଥା ହେଉଥିଲେ । ଏହି ସମୟରେ ଜଣେ ଦୁର୍ବୁତ୍ତ ତାଙ୍କୁ ଧକ୍କା ମାରି ମୋବାଇଲ ଚଢାଇ ଘଟଣାସ୍ଥଳରୁ ଚମ୍ପଟ ମାରିଥିଲା। ଲୁଟର ଶିକାର ହୋଇଥିବା ମହିଳା ଜଣକ ମର୍କତନଗର ଥାନାରେ ଅଭିଯୋଗ କରିବା ପରେ ଥାନା ଅଧିକାରୀ ବିୟୁଟି ମହାନ୍ତିଙ୍କ ନେତୃତ୍ୱରେ ଏକ ଟିମ ମୋବାଇଲ ଲୁଟେରାକୁ ଧରିବା ପାଇଁ ତଦନ୍ତ ଆରମ୍ଭ କରିଥିଲେ । ଶେଷରେ ପୋଲିସ ଜଗତପୁରସ୍ଥିତ ପିର ବଜାର ଅଞ୍ଚଳରୁ ଅଭିଯୁକ୍ତ ଆକାଶ ନାୟକଙ୍କୁ ଗିରଫ କରିଥିଲା। ଲୁଟେରା ଅଭିଯୁକ୍ତ ମୋବାଇଲ ଚୋରିକୁ ନିଜର ପେସା କରିଥିବା କଥା ପ୍ରାଥମିକ ତଦନ୍ତରୁ ଜଣାପଡିଛି। ଅନ୍ୟପଟେ ଆକାଶ ଏକୁଟିଆ ଲୁଟ୍ କରୁଥିଲା ନା ଏହା ପଛରେ କୌଣସି ଗ୍ୟାଙ୍ଗ୍ କାମ କରୁଛି ସେ ବିଷୟରେ ଅଧିକା ତନାଘନା ଚଳାଇଛି ପୋଲିସ୍।
