Get real time updates directly on you device, subscribe now.
ଭଦ୍ରକ(ସଂଘର୍ଷ ମିଡିଆ ) : : ଅଭିନବ ଉପାୟ ମୁଢ଼ି ବସ୍ତା ଭିତରେ ଦେଶୀ ମଦ ଚାଲାଣ।ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ପକ୍ଷରୁ ବ୍ୟାପକ ପରିମାଣର ବେଆଇନ ଦେଶୀ ମଦ ବୋଝେଇ ଅଟୋ ଜବତ ହୋଇଛି । ୧୬ ନଂ ଜାତୀୟ ରାଜପଥର ଆଖୁଆପଦା ବ୍ରିଜ୍ ଛକ ନିକଟରୁ ସ୍ଥାନୀୟ ପୁଲିସ ପାଟ୍ରୋଲିଂ ଦଳ ଖବର ପାଇ ଗୋଟିଏ ମୁଢ଼ି ବୋଝେଇ ଅଟୋକୁ ଅଟକାଇ ଯାଞ୍ଚ କରିବାରୁ ବ୍ୟାପକ ପରିମାଣର ଦେଶୀ ମଦ ନେଇ ଯାଉଥିବା ଜଣାପଡିଥିଲା । କେଉଁଝର ଆନନ୍ଦପୁର ଅଞ୍ଚଳରୁ ଦଶଟି ସିମେଣ୍ଟ ବସ୍ତା ଭିତରେ ପଚାଶଟି ପ୍ୟାକେଟ ପ୍ରାୟ ପାଞ୍ଚଶହ ଲିଟର ଦେଶୀ ମଦ ନେଇ ଯାଉଥିବା OR O1L 6071 ନଂ ଅଟୋଟିକୁ ଖବର ପାଇ ପୁଲିସ ଧରିଥିଲା। ଏ ଏସ ଆଇ ଅନୁରାଗ ମହାନ୍ତି , ଅମିତ୍ କୁମାର କର , ମଧୁସୂଦନ ସଏ ପ୍ରମୁଖ ପୁଲିସ ଦଳ ଜବତ କରିଥିଲେ। ଏ ଏସ ଆଇ ଶ୍ରୀ ମହାନ୍ତିଙ୍କ ଏତାଲା କ୍ରମେ ୨୦୦/୨୧ ନଂ ମାମଲା ରୁଜୁ କରାଯାଇ ମୟୂରଭଞ୍ଜ ଜିଲ୍ଲା ଉଦଳା ଅଞ୍ଚଳର ଚାଳକ ବାବୁଲ୍ ପାତ୍ର ଓ ହେଲପର ସୌମ୍ୟରଞ୍ଜନ ବରଷାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଭଣ୍ଡାରି ପୋଖରୀରୁ ରାଜକିଶୋର ଜେନାଙ୍କ ରିପୋର୍ଟ ସଂଘର୍ଷ ନିୟୁଜ ।
