Get real time updates directly on you device, subscribe now.
ପୁରୀ ( ସଂଘର୍ଷ ମିଡିଆ ) : ପୁରୀ ସି ବିଚ ପୋଲିସ ବେଆଇନ ଭାବେ କଫ ସିରପ ବିକ୍ରି ଅଭିଯୋଗରେ ୪ ଯୁବକକୁ ଗିରଫ କରିଛି। ଗିରଫ ଅଭିଯୁକ୍ତଙ୍କ ଠାରୁ ୧୬୦ବୋତଲ କଫ ସିରପ ଜବତ ସହ ୧୧ ଶହ ଟଙ୍କା ଓ ଏକ ବାଇକକୁ ମଧ୍ୟ ପୋଲିସ ଜବତ କରିଛି। ଗିରଫ ଅଭିଯୁକ୍ତ ମାନେ ହେଲେ ପୁରୀ ରେଡ଼ କ୍ରସ ରୋଡ଼ର ପ୍ରିୟ ରଂଜନ ସାହୁ ,ଗୋରା କବର ଲେନ ର କାର୍ତ୍ତିକ ଜାଲି , ରାମ ଚନ୍ଦ୍ର ନାଏକ ଓ ପି ଏଚ ଡି କଲୋନୀର କେ. ଅବିନାଶ । ପୋଲିସର ସୂଚନା ଅନୁଯାୟୀ ଗତ କାଲି ସନ୍ଧ୍ୟା ବେଳେ ପୁରୀ ତାଳ ବଣିଆ ଆଟିଆଇ ଛକରେ ଅଭିଯୁକ୍ତ ମାନେ କଫ ସିରପ ବିକ୍ରି କରୁଥିବା ଖବର ଆସି ଥିଲା। ପରେ ପୋଲିସ ପେଟ୍ରୋଲିଂ ଟିମ ଚଢ଼ାଉ କରି ଅଭିଯୁକ୍ତଙ୍କୁ ଧରିଥିଲା। ସମସ୍ତେ କଫ ସିରପ ବିକ୍ରୀ କରୁଥିବା ସ୍ୱୀକାର କରିବା ପରେ ପୋଲିସ ଏ ନେଇ ଏକ ମାମଲା ରୁଜୁ କରି ୪ ଅଭିଯୁକ୍ତଙ୍କୁ ଗିରଫକରି କୋର୍ଟ ଚାଲାଣ କରିଛି ।
