Get real time updates directly on you device, subscribe now.
ଭଦ୍ରକ ( ସଂଘର୍ଷ ମିଡିଆ ) : ଜଣେ ଦଶମ ଶ୍ରେଣୀରେ ପଢ଼ୁଥିବା ନାବାଳିକା ଛାତ୍ରୀଙ୍କର ଅକାଳରେ ଚାଲିଗଲା ଜୀବନ ।ଏପରି ଏକ ଘଟଣା ଘଟିଛି ଭଦ୍ରକ ଜିଲ୍ଲା ବାଂଶଡା ଥାନା ଅର୍ନ୍ତଗତ ଚରଦିଆ ପଂଚାୟତର ରାମ ଶଙ୍କର କାଣ୍ଡା (ଝଡୁ) ଶୈଳେନ୍ଦ୍ରପଲ୍ଲୀ ଗ୍ରାମର ଗୋପାଳ ମାଇତିଙ୍କ ଚିଙ୍ଗୁଡି ପୋଖରୀରେ ଶ୍ରମିକ ଭାବେ କାର୍ଯ୍ୟ କରି ଆସୁଥିଲା । ଗତ 2020 ମସିହା ଅକ୍ଟୋବର ମାସରେ ରାମ ଶଙ୍କର, ଗୋପାଳ ମାଇତିଙ୍କ ନାବାଳିକା ଝିଅକୁ ଅପହରଣ କରି ରାତାରାତି ନେଇ ଫେରାର ହୋଇ ଯାଇଥିଲା ବୋଲି ବାଂଶଡା ଥାନାରେ ଏକ ଲିଖିତ ଅଭିଯୋଗ ହୋଇଥିଲା । ଏହି ଘଟଣାର ତଦନ୍ତ କରି ଥାନାଧିକାରୀ ନାବାଳିକାର କୌଣସି ଖୋଜ ଖବର ପାଇନଥିଲେ । ଇତି ମଧ୍ୟରେ ଦୀର୍ଘ 6 ମାସ ବିତିଯାଇଥିବା ବେଳେ ତାଙ୍କ ଝିଅର ମୃତ୍ୟୁ ହୋଇଥିବା ନେଇ ଗୋପାଳ ମାଇତି ଜାଣିବାକୁ ପାଇଥିଲେ। ତେବେ ତାଙ୍କ ଝିଅକୁ ହତ୍ୟା କରାଯାଇଥିବା ଗୋପାଳ ଅଭିଯୋଗ କରିଛନ୍ତି। ଏହି ଅଭିଯୋଗକୁ ଭିତ୍ତିକରି ପୁଲିସ ନାବାଳିକାର ମୃତ ଦେହକୁ ଜବତ କରି ବ୍ଯବଚ୍ଛେଦ ନିମନ୍ତେ ପଠାଇବା ସହ ଅଧିକ ତଦନ୍ତ ଆରମ୍ଭ କରିଥିବା ଚାନ୍ଦବାଲିଏସଡିପିଓ ସୂଚନା ଦେଇଛନ୍ତି।
