Get real time updates directly on you device, subscribe now.
ଜଗତସିଂହପୁର(ସଂଘର୍ଷ ମିଡିଆ ) : -ଜଗତସିଂହପୁର ସଦର ଥାନା ଅଧିନସ୍ଥ ଚାଟରା(ନୂଆସାହି) ଗ୍ରାମରେ ବିଳମ୍ବିତ ରାତ୍ରରେ ସୋଇଥିବା ସମୟରେ ଲକ୍ଷାଧିକ ଟଙ୍କାର ସୁନା ଗହଣା ଚୋରି ହୋଇଥିବା ନେଇ ଜଗତସିଂହପୁର ଥାନାରେ ଅଭିଯୋଗ ହୋଇଛି।ସୂଚନା ଅନୁସାରେ ଚାଟରା(ନୂଆସାହି)ଗ୍ରାମର ଅନ୍ନପୂର୍ଣ୍ଣା ଦାସ ତାଙ୍କ ଅଭିଯୋଗ ପତ୍ରରେ ଦର୍ଶାଇଛନ୍ତି କି ସେମାନେ ରାତିରେ ଶୋଇ ଥିବା ସମୟରେ ଚୋର ମାନେ ବାଡ଼ିରୁ ଏକ ଲିମ୍ବ ଗଛ ଭାଙ୍ଗି ନଗି କରି ଝରକା ମେଲା କରି ନଗି ସାହାଯ୍ୟରେ ଘର ଭିତରୁ ଭ୍ୟାନିଟ ବ୍ୟାଗକୁ ଆଣି ସେଥିରେ ଥିବା ଏକ ସୁନାହାର, ଦୁଇ ହଳ କାନଫୁଲ, ଦୁଇଟି ମୁଦି ଓ ଏକ ହଳ ରୁପା ପାଉଁ ଜି କୁ ନେଇ ଚମ୍ପଟ ମାରିବା ସହ ଭ୍ୟାନିଟ ବ୍ୟାଗ କୁ ଝରକା କଡ଼କୁ ଫୋପାଡ଼ି ଦେଇଥିଲେ।ଜଗତସିଂହପୁର ପୋଲିସ ଘଟଣା ସ୍ଥଳକୁ ଯାଇ ପ୍ରାଥମିକ ତଦନ୍ତ କରି ଫେରିଥିବା ଜଣାପଡିଛି।ତେବେ ଜଗତସିଂହପୁର ସହରରେ ନିଶାଡୀଙ୍କ ସଂଖ୍ୟା ବୃଦ୍ଧି ପାଉଥିବାବେଳେ ଚୋରି ସଂଖ୍ୟା ମଧ୍ୟ ବୃଦ୍ଧି ହେଉଥିବା ସାଧାରଣରେ ଚର୍ଚ୍ଚା ଜୋର ଧରିଛି। ଜଗତସିଂହପୁରରୁ ଦୁର୍ଯ୍ୟୋଧନ ମହାରଣାଙ୍କ ରିପୋର୍ଟ ସଙ୍ଘର୍ଷ ନିଉଜ୍।
