Get real time updates directly on you device, subscribe now.
ଭଦ୍ରକ(ସଂଘର୍ଷ ମିଡିଆ ) : ଭଦ୍ରକ ଗ୍ରାମାଂଚଳ ପୋଲିସକୁ ମିଳିଲା ବଡ଼ ସଫଳତା ।ଚେକିଂ ବେଳେ ଧରା ପଡ଼ିଲେ ବ୍ରାଉନସୁଗର ବେପାରୀ । ମହିଳାଙ୍କ ସମେତ ୪ ଜଣଙ୍କୁ ବାନ୍ଧିଛି ଭଦ୍ରକ ପୋଲିସ । ଭଦ୍ରକ ଗ୍ରାମାଂଚଳ ଥାନା ଅଧିକାରୀ ଆଲୋକ ଜେନା ଅଟୋରେ ବ୍ରାଉନସୁଗାର ଚାଲାଣ ହେଉଥିବା ସୂଚନା ପାଇ ଚରମ୍ପା ଛକରେ ଯାଞ୍ଚ କରୁଥିବା ସମୟରେ ଧରାପଡ଼ିଥିଲା । ଅଭିଯୁକ୍ତଙ୍କ ପାଖରୁ ୧କିଲୋ ୯୦ ଗ୍ରାମ୍ ବ୍ରାଉନସୁଗର ଜବତ ହୋଇଛି । ଯାହାର ଦାମ୍ କୋଟିଏ ଟଙ୍କା ହେବ । ନଗଦ ୧ ଲକ୍ଷ ଟଙ୍କା ବି ଜବତ କରିଛି ପୋଲିସ । ଏମାନଙ୍କ ପାଖରୁ ୩ଟି ମୋବାଇଲ,ଏକଲକ୍ଷ ଟଙ୍କା ଅଟୋ ଗାଡି ଜବତ କରିଛି ପୋଲିସ । ଗିରଫ ଅଭିଯୁକ୍ତମାନେ ହେଲେ ବାଲେଶ୍ୱର ଜିଲ୍ଲା ଅବଦୁଲ ହମିଦ ଓ ମନୋଜ କୁମାର ଦାସ ଏବଂ ଭଦ୍ରକ ଜିଲ୍ଲାର କୁନିଲତା ଷଡଙ୍ଗୀ ଓ ଅଜୟ କୁମାର ଷଡଙ୍ଗୀ । ବାଲେଶ୍ୱର ଜିଲ୍ଲା ଜଳେଶ୍ୱର ଅଞ୍ଚଳର ଜଣେ ବେପାରୀଙ୍କଠାରୁ ଏମାନେ ବ୍ରାଉନସୁଗର ଆଣିଥିଲେ । କୁନିଲତା, ମନୋଦ ଓ ଅଜୟ ଏହି ବ୍ରାଉନସୁଗର ଆଣୁଥିଲେ ବୋଲି ଭଦ୍ରକ ଏସପି ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।ଆଜି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ଏସପି ଚରଣ ସିଂ ମିନା କହିଛନ୍ତି ।
