Get real time updates directly on you device, subscribe now.
ଭୁବନେଶ୍ବର(ସଂଘର୍ଷ ମିଡିଆ) : – କଂଗ୍ରେସ ନେତା ରାହୁଲ ଗାନ୍ଧୀ ଲୋକସଭା ରେ ବିରୋଧୀ ଦଳ ନେତା ହେବା ପରେ ଖୁସି ପ୍ରକଟ କରିଛନ୍ତି ରାଜ୍ୟ କଂଗ୍ରେସ ନେତୃବୃନ୍ଦ | ଆଜି କଂଗ୍ରେସ ଭବନ ଭୁବନେଶ୍ୱର ଠାରେ ଓଡିଶା ପ୍ରଦେଶ କଂଗ୍ରେସ କମିଟି ଓ ଭୁବନେଶ୍ୱର ଜିଲ୍ଲା କଂଗ୍ରେସ କମିଟି ପକ୍ଷରୁ ଆନନ୍ଦ ଉଲ୍ଲାସର ସହ ମିଳିତ ଭାବେ ଲଡ଼ୁ ମିଠା ବଣ୍ଟନ କରି ଖୁସି ବ୍ୟକ୍ତ କରିଛନ୍ତି | ଦେଶରେ ଗତ 10 ବର୍ଷ ଧରି ଶାସନ କରୁଥିବା ନରେନ୍ଦ୍ର ମୋଦି ସରକାରଙ୍କ ସମୟରେ ଜନତାଙ୍କ ପ୍ରତି ହୋଇଥିବା ଧୋକା ଓ ଅନ୍ୟାୟ ପ୍ରତିବାଦ ରେ ରାହୁଲ ଗାନ୍ଧୀଙ୍କ ଲଢେଇ ଉଚ୍ଚ ପ୍ରଶଂସନୀୟ | ପ୍ରଥମେ ଭାରତ ଯୋଡ ଯାତ୍ରା ଓ ପରେ ଭାରତ ଯୋଡ ନ୍ୟାୟ ଯାତ୍ରାରେ ଐତିହାସିକ ସଫଳତା ପାଇବା, ଗଣତନ୍ତ୍ର ଓ ସମ୍ବିଧାନର ସୁରକ୍ଷା ପାଇଁ ଅହରହ ଲଢେଇ କରିବା, ପ୍ରତିଟି ବର୍ଗଙ୍କୁ ସାମାଜିକ ଓ ଅର୍ଥନୈତିକ କ୍ଷତ୍ରରେ ସୁଦୃଢ କରିବା ଆଦି କାର୍ଯ୍ୟକୁ ଦେଶର ଜନତା ଗ୍ରହଣ କରି ତାଙ୍କୁ ଆଶୀର୍ବାଦ ଦେବା କଥା 2024 ନିର୍ବାଚନର ଫଳାଫଳରୁ ବାରି ହୋଇପଡୁଛି | ପ୍ରତିଟି ସମସ୍ୟା ପାଇଁ ଲଢେଇ କରିଥିବା ରାହୁଲ ଗାନ୍ଧୀ ଏବେ ପ୍ରତିଟି ବର୍ଗର ସ୍ୱରକୁ ବିରୋଧୀ ଦଳର ନେତା ଭାବେ ସଂସଦରେ ଉପସ୍ଥାପିତ କରିବେ |
