Get real time updates directly on you device, subscribe now.
ନୂଆଦିଲ୍ଲୀ ( ଏଜେନ୍ସି ) : ଆପଲର ଆଗାମୀ ଫୋନ ଆଇଫୋନ୍-୧୨କୁ ନେଇ ଦୀର୍ଘ ସମୟ ଧରି ଆଲୋଚନା ପର୍ଯ୍ୟାଲୋଚନା ହୋଇଆସୁଥିବାବେଳେ ସୋମବାର ଏହାର ମୂଲ୍ୟ ଏବଂ ଫିଚର୍ସ ସହ ଜଡିତ ସମସ୍ତ ରିପୋର୍ଟ ସୋସିଆଲ୍ ମିଡିଆ ପ୍ଲାଟଫର୍ମରେ ଲିକ୍ ହୋଇଛି। ଏହି ସମୟରେ, ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ଆଇଫୋନ୍-୧୨ପ୍ରୋର ଡିଜାଇନ୍ ଦେଖିବାକୁ ମିଳିଛି। ଆଇଫୋନ୍-୧୨ପ୍ରୋରେ ଏକ୍ସଡିଆର ଡିସପ୍ଲେ ସହିତ ଚାରିଟି କ୍ୟାମେରା ରହିବ। ଆହୁରି ମଧ୍ୟ, ଉପଭୋକ୍ତାମାନେ ଏହି ଡିଭାଇସରେ ୫ଜି ସଂଯୋଗ ଏବଂ ଏ-୧୪ ବାୟୋନିକ୍ ଚିପସେଟ ପାଇପାରିବେ। ଏହାବ୍ୟତୀତ, ଆଇଫୋନ୍ ୧୨ ପ୍ରୋ ନେଭି ବ୍ଲୁ ରଙ୍ଗ ବିକଳ୍ପ ସହିତ ବଜାରକୁ ଆସିପାରେ। ତେବେ କମ୍ପାନୀ ଏପର୍ୟ୍ୟନ୍ତ ଆନୁଷ୍ଠାନିକ ଭାବେ ଆଇଫୋନ୍-୧୨ ପ୍ରୋ ଲଞ୍ଚର ତାରିଖ ଘୋଷଣା କରିନାହିଁ। ଲିକ୍ ହୋଇଥିବା ରିପୋର୍ଟ ଅନୁଯାୟୀ, ଆପଲ୍ ଏହି ସର୍ବଶେଷ ସିରିଜର ପ୍ରାରମ୍ଭିକ ମୂଲ୍ୟ ୭୫ହଜାର ଟଙ୍କା ରଖିବ। କିନ୍ତୁ ଏହି ଫୋନର ପ୍ରକୃତ ମୂଲ୍ୟ ଏବଂ ଫିଚର୍ସଗୁଡିକୁ କୌଣସି ସଠିକ୍ ସୂଚନା ମଳିପାରିନାହିଁ।
